Deżert ir-Ruħ.

Dal-waqtiet għal dejjem jibqgħu

Imdendlin hawn fil-preżent

Iżda li l-mili li firduna

Xejn ma jfissru għax kuntent.

Ġod-duħħan, ċpar tat-tnissija

Sibtni waħdi, sibtni kwiet,

B’din ir-rieda biex inkisser,

Dak li jxekkel, kull drawwiet.

F’dan deżert lli fih interraq

Lejl u nhar għal ħafna żmien

M’hemmx il biża li jirxoxta

Dak li għadda u seta’ kien.

F’salt ftakart! Dan mhux eżami,

Dan hu biss ħasil ir-ruħ,

Qtajtli l-għatx, il-ġuħ bil-manna

Ġod-deżert m’hemmx ward ifuħ.

Alfred Grech

28/03/2018