Warajk.

Kont naħseb li warajk

Jistenna joqgħod kollox.

Jintilef f’tarf id-dlam

U kollox ħorrox borrox.

Kont naħseb li warajk

Hemm biss is-solitudni.

Hemm l-abjad hemm l-iskur

Mitluf fil-multitudni.

Warajk ma kien hemm xejn,

Kien hemm is-sens ta’ sogħoba

Għal dak li stajt ħallejt

Bla nilgħab din il-logħoba.

Kien hemm, u bir-raġun,

Kien hemm is-sens ta’ ħtija,

Għax missni naf aħjar

U naqdef mhux mal-bqija.

Alfred Grech

18/09/2017