Ejj’għidli Kif Se Nkomplu.

Ejj’Għidli kif se nkomplu,

Id f’id fguq dan ix-xifer,

Ejj’għidli kif se nkomplu

Mingħajr ma niksru difer.

Ejj’għidli kif wasalna

Biex dorna l-kanruniera,

Imdawwra bis-seksieka

Minn wara kull purtiera.

Ejj’għidli kif se nkomplu,

Il-bogħod mill-illużżjoni,

Nimxuha din il-mixja

U naslu f’konklużjoni.

Ejj’għidli ‘mma ddumx ħafna,

Għax hawn bdiet dieħla l-għajja,

Għax hawn id-dawl qed jikfes

U tlift is-sens tal-ħajja.

Alfred Grech

19/01/2018