U Issa Ma Ngħarfekx.

U issa ma ngħarfekx

imqarr jekk terġa’ tiġi

għax darba nqtajt minn miegħek bdejn ngħum

fil-baħar ta’ bla xefaq.

Ma nafx fejn irrrid nasal

m’hawnx kwiekeb li juruni

xħin qtajtli l-kurdun, infamt u mort għal rasi.

Tgħallimt kif ngħix mal-lpup

tgħallimt il-ħażen tagħhom

nirgħa’ bħal kukkudrilli

nistagħad fl-għadira magħhom.

Staqsejt kull mistoqsija

bil-logika l’għallmuni

tkellimt ukoll b’ilsienhom

u lanqas qed ninftiehem.

Issa li qed nerġa’ nersaq lejk

inħossni nerġa’ negħereq

f’dak-baħar ta’ bla xefaq

fl-immensita’ minn tiegħek.

Alfred Grech

13/02/2018