Erħilu.

Erħilu l-għors tal-għada

Erħilu jkun xi jkun

Biss miegħek ġorr in-noti

Mhux l-għaraq tal-flixkun.

Tintasab fil-quċċata,

Fit-tarf ta’ fejn ikun

Minn hemm il-ħarsa tifrex

Bħal vleġġa u sejf misnun.

Jekk qalbek għada tħabbat

U tħoss id-demm ifur

In-nifs li jrid jinfetaħ

Tistordi xħin iddur;

Id-daqqa t’għajn li tfisser

U tixgħel sotterran

Ta’ ħsibijiet u xewqa

U r-ritmu li mhux dan.

Dan huwa l-ħelsien tagħna,

Li ntiru ’l-fuq ’l-fuq;

Il-fuq mill-eqreb sħaba

Li l-fewġa trid issuq.

Alfred Grech

27/01/2020