U Tlabtek Ma Titlaqnix.

Lanqas biss ħsibt li dik setgħet kienet

biċċa nasba

inċempillek nistaqsik kif int

għax sadanittant m’għandix xi ngħidlek

inħoss biss it-toqol tad-dwejjaq

u għalhekk xtaqt ma min nitkellem

bit-tama li nistrieħ.

Ċempiltlek u kellimtek

iżda l-baħħ baqa’ fejn kien

it-togħma morra żdiedet

u minn dak li għedna ma fhimt xejn.

Imbagħad staqsejt jekk tridx noħorġu

iżda jien ma nafx x’rrid

għalkemm inti weġibtni “iva”

iżda mbagħad ma morna mkien

għax naf li kien għalxejn

għax naf li kien ħin moħli.

Iżda mbagħad fuq it-tastiera

bdejt intektek u nikklikkja

b-ħeffa li bdiet tlaħħaq  ma dak kollu

li ridt ngħidlek

u għedtlek li mingħajek ma ngħaddix

u għedtlek li għadni nħobbok

u tlabtek ma titlaqnix,

Alfred Greh

19.01.2020