Meta l-Ħallelin.

Meta l-ħalelin jidħlulna fi djarna

Jew jitilgħu fuq il-bjut ta’ fuq rasna

Minn fejn joqgħodu jittawlu għal isfel

U lilna jibdew jaħsbuna dud tal-art

Aħna nibqgħu ċassi

Ma ngħidu xejn

U kollox jibqa’ għaddej

Bħall-ilma ġieri

Inkella nħarsu n-naħħa l-oħra

Biex lanqas biss naraw

Dak li kulħadd qed jara.

Meta jiġri hekk kulħadd ikun mixtri

Jew kullħadd ikkundannat

Għax mixli fil-kompliċita’

F’purċissjoni tal-wieħed wara l-ieħor

Lejn il-kamp tal-konċentrament.

Meta nqallbu biss il-fossa

U tal-qiegħ jitla’ fil-wiċċ

Ma nkunu għamilna ebda qliegħ

Għaliex kollox riċiklat

U kollox ikun indara.

Alfred Grech

28/01/2020.