Hawnhekk Qiegħdin Immutu.

Hawnhekk qiegħdin immutu

Din mewt bil-ftit il-ftit

Nibilgħu arja mniġġsa

Ta dħaħen u kubrit.

Hawnhekk qiegħdin immuti

Bid-dożi żgħar kulljum

Bil-kliem tal-prepotenti

Imewwtek bla ma jdum.

Il-loppju li jitħallat

Mal-ilma fil flixkun,

Għax lanqas għadna nħossu

Il-fosta u l-bastun.

Għaliex m’għadniex inħossu

Bl-isforzi ta’ kulljum

Il-ħtieġa illi ngħixu

Nitilgħu mas-sellum.

U sirna bħall-insetti

Insoffu demm xulxin

Jew nirgħu fuq iż-żibel

Mir-riħa misjuqin.

Alfred Grech

03/10/2019