Kien il-Baħħ.

Kien il-baħħ għax moħħom kien battal

iserraħ fuq strippi tal-ħadid

biex f’ħoġorhom iżommu

it-tagħsid li bdew isawwbu

kull fejn iddawwar wiċċek.

Insieħ is-sabiħ

insiha s-sengħa

insiha s-simmetrija

u qatgħu linja għad-dritt.

Bdew jittajru qishom friefet

mingħajr ma biss rabbew il-ġwienaħ

ħfief daqs il-friefet biex ħaffew

il-ġirja għall infern

id-dagħbien għal ġol-abbissi

u mill abbissi telgħet ħanqa ta’ħmar

li ma waslet imkien

għax fgata kienent bil-fehmiet it-tajba

fehemiet ħielsa li qabel kien tared wisq

saru leħen fid-deżert

jirbombja l-aforiżmi.

Iżda kien tard wisq

imqar xħin kienu jlissnu

kull twissija

għax ħadd ma refa’ driegħu

biex ikun mal-magħdudin

u dawk li għollew rasħom

kienu kkalpestati.

Alfred Grech

07/10/2019.