Jien Ġejt Hawnhekk.

                                                                                                                   

Jien ġejt hawnhekk nistaqsi fejn se mmorru

Għax inti kont ġa taf u xħin staqsejtek

Intbaħt li jien ukoll kont qed niġġerra

Biex naqbad dawk il-friefet illużorji,

Inkella kont qed naħrab id-dilemma

Li għandu kull maħluq. Hawnhekk ħaddieħor

Bilqieghda jgħaddi l-ħin jaljena rasu

Strodut quddiem xi skrin alluċinanti,

U jiena ġejt hawn ħdejk tad-demm u l-laħam

Għax ħsibt li stajt taqrali wkoll xortija.

Alfred Grech

08/09/2016