Int Poeta tal-Penumbra

Int poeta tal-penumbra,

Ħaduhom kollha l-ward li ġejt biex taqta’,

Inkella li saħħruk matul il-mixja.

Poeta tad-dellijiet,

Il-ħin kien sar u inti bqajt ma ntbaħtx

Li ż-żmien kien għadda.

Bqajt ma stenbaħtx

Mad-daqq tat-trombi u l-ħoss tas-sentinella.

Issa tixxennaq xejn,

Fuq l-andar li wileġ iwitti

Is-sħana tax-xemx taħraq ġild il-midneb,

Inti tibqa’ wild qadim jew il-barrani.

Issa, li tista’ tagħmel hu

Li taqbad bħal pittur pinzell u tila

U tibda tpitter.

Alfred Grech

24/05/2017