Meta l-Inkubi.

Meta l-inkubi  tal-orrur jiddisturbaw in-nagħas imniegħes

U s-sħaħar ta’ mneħirhom twil jirgħu u jittajjru fuq l-irjus ta’ min ma jafx,

Erħilna lilna li jgħaddu mingħajrna u ma niswew għalxejn nistaqsu:

Dawn in-nies jiddimostraw, jispekulaw u jisfaxxaw

F’dawn it-toroq desolanti ta’ ta din l-art iffullata,

Għal min u kontra min qiegħdin iħambqu?

Xi skuża ser iġibu sabiex jgħollu ftit il-marki tal-pressjoni

Ta’ min hu bla kawża, bla skuża jew bla sinsla.

Liema għoqda ser torbothom fl-ispjanar tal-pjanijiet ittrapjantati?

Biex ngħidu l’aħna wkoll nistqarru l-fidi tagħna

Taħt il-kappelun tal-anġli t-tajba tal-ħelsien tal-espressjoni.

F’liema żmien u f’liema dinja qiegħdin ngħixu?

Għaliex issa saħansitra tlifna r-riga,

Għaliex ħsibna li qed ngħixu fuq art oħra

Għax din l-art ma tingħarafx.

Dan pajjiż fejn jitrawwmu r-rewwixti,

Fi żmiejn fejn kollox jgħodd u xejn ma jgħodd,

Fejn kullħadd irid ifiehem u ma jrid jiftiehem ħadd.

Dan huwa l-lament

Tal-merħla li tilfet ir-ragħaj tagħha,

Ta’ dan is-serbut nemel jippassiġġa

Ta’ din il-folola miexja fl-għamad.

Alfred Grech

31/10/2017

XXVIII.

Miġbud minn saħħa kbira jien ħassejtni,

Qawwa li ma nifhimx u lanqas nara.

Imqarr li ġejja minnek jekk ħabbejtni,

Bħal ħuta kont, miġbuda mis-sunnara.

Għaliex ukoll f’nofs l-aqwa tat-taqbida,

F’sikkti ma kontx, u ridt inċedi l-armi.

Sibtni aħjar, il-barra mit-taħwida.

Kullma ħaqqaqt, mit-tieqa kelli narmi.

Ma nafx min kien, jidhirli ġie u qalli

Li kull ma kien, u kull ma sal-lum ġara,

Hu sagrusant u ċar daqs il-kristalli,

Hu l-isbaħ ġrajja. Jgħaddi ż-żmien, tindara.

Fil-beraħ tal-għelieqi l-ħolm ħarrabni

Xħin l-ajru kien żbukkat, żvoga u xarrabni.

Alfred Grech

30/1-/2010

Taħsibni Oġġett Tax-Xewqat Tiegħek.

Taħsibni oġġett tax-xewqat tiegħek

bħalkieku nistenniek biex issejjaħli-qaltli-  

jien ġejt biex nistordik, mhux biex inserrħek

inkella biex nogħollik fl-istratosfera,u nerġa nniżżlek fl-art

sabiex tiltaqa’ ma dan id-demiurgu assurd ta’ bla tifsila.

Jien niġi  xħin irrid u xħin jogħġobni

mhux biex tidrani u taħseb

li sirt is-sieħba tiegħek.

Int tibqa’ hawnhekk tistenna l-leħħa tiegħi

fid-dlam ta’ sema skur u mingħajr kwiekeb,

u jiena niġi  ħdejk xħin ma tkunx tista’

inkella xħin ma tkunx qed tistennieni:

kull xħin tkun tfittex int is-sensazzjoni

ta’ kull mara evenaxxenti.

Jekk niġi ta’ kull jum arak tidrani

u nidħlu ġewwa ċ-ċirku tar-rutina,

dak li kull darba tgħid li tridni nkisser

kull xħin inħoll il-qafla li ħaddieħor ikun rabat,

imbagħad, imbagħad ix-xejn u l-baħħ,

deżolazzjoni.

Alfred Grech

28/20/2017

133.

Dan m’huwa xejn, dan dmugħ tal-kukkudrilli.

Dan huwa kliem li qribna lanqas jersaq.

Dan hu diskors li dawk qed jgħidu fuqna,

dawk li jgħammru fi djar tal-ħġieġ bħal tagħna.

Dawk mhuma xejn, dawk ħrief tas-sagrifiċċju,

Erġajna ntlejna bihom wara biebna,

Hawn min imbagħad irid jimpressjonana

b’dawk il-kuntatti li jgħid li għandu barra.

Dan m’huwa xejn, dan dmugħ tal-kukkudrilli,

għax lilna qatt mhu se jħammrulna wiċċna.

Ħallihom għaddejjin bil-litanija,

m’humiex ewwilla xempju tat-tjubija?

Dawk ġifa, dawk beżżiegħa, dawk bla sinsla.

Dawk lilna ma jaħmlux: Jgħiru għalina.

Alfred Grech

27/10/2017.

Jien Ġejt Niltaqa’ Miegħek.

Jien ġejt niltaqa’ miegħek issa,

Issa li għadu l-ħin,               

Issa li għadu jbexbex,

Nitwieżmu ma  xulxin.

Jien ġejt niltaqa’ miegħek issa,

Filwaqt li għada għaddejja tkarkar, tkarkar, tul is-snin,

It-trasfigurazzjoni  seduċenti  ta’ bniedma liebsa l-kwiekeb,

Ta’ wild il-qaddisin.

Għadejja tibqa’ x-xmara

ix-xmara  ta’ kull żmien.

Kull xħin fil-mera nħares

U nħossni ftit għajjien,

Inkella f’xi ritratt,

Nistaqsi lil nnifsi: x’seta’ kien li kieku?

U kif niktbuha l-ġrajja ta’ bejnietna

li ħadna bħala fatt?

Alfred Grech

26/10/2017

Dal-Bogħod Li Hemm Bejnietna.

Jgħoġobni wisq dal-bogħod li hemm bejnietna

Kull meta għal-ħdejk interraq dat-triqat,

Inbaħħar f’baħar fond tal-astinenza

Li jsir il-midfen tieghi tax-xewqat.

Idejk imellsu l-ġilda ta’ ruħ tqila,

Xħin megħedi ngħarrex l-iswed ta’kull ħsieb,

Biex ġismi jaqsam triq is-sentimenti;

Nistenna li nsibek lilek wara l-bieb.

Biex nerġa’ nbill subagħjja fl-ilma mbierek

Tal-blugħha u tal-passjoni fuq il-fwar,

Jien nista’ nkun bħas-silġa inkella naqbda,

Għax inti taf kif lili tagħti n-nar.

Alfred Grech.

25/10/2017

Ħajja.

Xi tkun għalik ja sieħbi l-ħajja,

Mal-mewt tispiċċa f’nofs iż-żfin,

Il-ħajja li bil-fors trid tinbet

Bil-mewt u taż-żerriegħa d-dfin?

U bejn il-mewt u l-ħajja jgħaddi

Il-fil ta’ xrara konduttur;

Lill-infinit inroddu lura

Biex jibqa’ kollox hemm mistur.

U jien u int hawnhekk nistaqsu

Fis-skiet u l-ħemda ta’ dax-xatt,

Għal dak li jidher mhemmx tweġiba

Bħall-ħsieb ta’ wieħed ftit distratt.

Alfred Grech

24/10/2017

U qiegħed Hawn Nagħnni Magħkom

Ejjew issa intom il-ħabbara tal-ispalti elevati

Intom l-għorrief tal-ħsibijiet imċajjpra

li tridu tagħllmu ’l-min hu ġwejjed,

għallmuħ lil-popli stordut ta’ dawn il-gżejjer

imbellaħ mill-aħbar u l-ħsejjes ta’ min issa m’għadux magħna,

megħedi kif inhu f’din l-orġja tal-akkużi jifflaġella lilu nnifsu.

Għaliex il-passi ta’ min telaq u mar

jidwu aktar mis-sajjetti li jaħbtu fil-bnazzi.

Ejjew issa intom ukoll, avultuni ta’ raskom imqaxxra

li sehemkom tagħmlu festa mid-diżgrazzja ta’ ħaddieħor

għallmuna kif l-assenza hija aqwa minn tir li jinfed il qalb

li s-skiet fil-ħemda tiegħu

jtarrax  aktar mit-tinwieħa tas-sireni.

Intom li tridu tagħallmu x’inhu l-ħelsien

u x’għandna nagħmlu sabiex nagħaddu mill-eżami.

Intom li teżaltaw fuq demm il-martri

u tirkbu l-mewġ tal-baħħ u tad-duħħan

biex dejjem jista’ jseħħ l-apolkalissi,

Issa li s-sriep u xjaten qegħdin fostna

issa jiena wkoll iddakkart  mill-insoleza tagħkom

u qiegħed nagħnni magħkom

Alfred Grech

23/10/2017

Imxejna Nofs It-Triq.

Imxejna nofs it-triq imbagħad infridna;

U jien terraqt s’hawnhekk biex nista’ nara

Fl-imgħoddi hemm i-żmien mingħajr il-ġrajja,

U l-ġrajja kienet żmien mingħajr l-imgħoddi.

Erġajt ħarist fil-mera u nara ’l-wiċċek,

U rġajt tennejtlek dak li konna nafu.

Erġajt sirt il-ħabib ta’ min hu waħdu,

Għaliex min jisgħar jisma’ lilu nnifsu.

Alfred Grech

16/10/2017

Imm’Issa Kien Tard Wisq.

Bqajna noħolmu l-ħolma alluċinanti

għax mingħalina sew qiegħedin jagħllmuna

f’das-simulakru antik  li fih rabbewna

u bajna sejrin hekk, għax hekk għallmuna

li tagħna tajjeb biss u m’hemm xejn aktar,

U bqajna sejrin hekk, hekk mingħalina,

u waqt li ż-mien għaddej serraħna moħħna.

Biex issa qiegħedin hawn u qed nistaqsu,

setgħax mod ieħor kien: hemm qċaċet ġodda

u aktarx li ‘l hinn miċ-ċpar hemm xefaq ieħor

Imm’issa kien tard wisq, tard wisq stenbaħna.

Alfred Grech

15/10/1027

U l-Ġirja Bdiet Minn Fejn.

Il-mewġ iġorrok lura

fil-biża tal-mument,

fid-dlam li jieħu s-sura,

tinġar ma kull kurrent.

Fil-baħar tas-silenzju,

għax inti wild is-skiet,

kull xbiegħa tista’ tidher

fil-ġrajja li għaddiet.

Qed terġa’ tieħu postok

fuq tron li sar għalik

biex tieħu kull ma jmissek

mingħajr ma nistaqsik.

Jekk tieqaf ftit tintebaħ

li ħafna ġrejt għalxejn,

fil-fatt hawnhekk kont għadek

u l-ġirja bdiet minn fejn?

Alfred Grech

15/10/2017

Xejn Ma Jinbidel.

Inti tinża’ u tibqa’ għarwiena

Fil-poeżija li tħallili

Bħal leħen is-skiet

li qatt ma jidwi.

Dagħbien il-baħħ li tħalli

Saltnet ir-riħ li qatt ma jinsa’

Bil-weraq li jġorr miegħu

U l-ħsejjes ta’ ġol-misraħ.

Xejn ma jinbidel

Kull xħin niftakae fik,

Bħal ferrovija li tisparixxi

Fil-bjuda ta’ ġoċ-ċpar.

Alfred Grech

14/10/2017

Assurdi.

Assurdi li qed ngħixu ġo din l-arka,

Imċaħħda milli nafu x’hemm hemm barra,

Jew x’hemm lilhinn mix-xefaq fl-illużżjoni

Li din arka magħżula minn dawk l-oħra

Li hemm fil-wiċċ jitbandlu qalb il-ħalel.

Inħarsu f’wiċċ ir-riħ li jisfidana

U nemmnu li hemm qawwa ogħla minna

Inkomplu għaddejjin fuq wiċċ il-baħar

Inkella ma nemmnux f’dan l-ekwilibriju

Li nafu u ma nafux, fi vjaġġ fatali.

Assurdi li bħal qlugħ bla riħ battala

Għażilna l-avventura minn-nawfraġju,

Qed ngħuma f’nofs dal baħar ta’ bla xefaq

Mitlufa f’oċean indifferenti.

Li missna hawn qiegħedin ħadd mhu se jaħlef,

Jew jekk qiegħedin hawnhekk hekk kienx imissan,

Intbaħna wkoll li hemm oħrajn qed jegħerqu

Li għandhom bżonn ukoll l-għajnuna tagħna.

Alfred Grech

13/10/2017

Fejn Taf?

Fejn taf li mhix passjoni

Bħal taġen fuq in-nar

Tinqela bla tintebaħ

Taħt xemx ta’ nofsinhar?

Jew hix il-perċezzjoni

Għax moħħok jilgħab bik

Tiġik malajr ix-xewqa

U din malajr tħallik?

Kif taf li mhix ħolm’oħra

Mill-ħafna ħolm li ħlomt

U xejn minn dak li jgħaddi

Filmat kif erġajt qomt?

Kif taf li din mhix ħolma

Li minnha għad trid tqum

Tintebaħ xħin fl-art taqa’

F’sessik u bla ma ddum.

Dak kollu l-għaddejt minnu

Bħal ħolm li tar mar-riħ

Hemm biss tifkira tiegħu

Uġihj jew ferħ qatiħ.

Fejn taf li mhux qed jigbdu

Fl-dak kollu li jingħad,

Din mhix ħlief muntatura

Fl-iskemi tal-Istat;

Li dan mhux simulakru

Ta’ dak li missu kien,

Issib suġġerituri

Hawnhekk u kullimkien

Imm’ int bil-fors trid temmen

Iż-żmiem hekk trid tgħaddih

Għax xħin madwarek tħares

Tintebaħ minnufiħ.

Alfred Grech

12/10/2017

GħALIK UKOLL

Għalik ukoll li ma tafnix jien nikteb:

inti, li għandek dalmet il-lejl kiefer ġewwa moħħok. . .

inti li tqum filgodu u b-ħafna tama

toħroġ barra t-triq biex tgġannaq l-ombra

u tisma’ x’qegġedin jgħudu minn wara darek.

Għalik li dħalt f’dinja t’għalik waħdek

u dad-dgeġwiġ li jdarras xejn ma tfittex

ta’ dan is-serbut nemel  miexi miexi

mingħajr ma jaf fejn sejjer.

Għalik ukoll li dħalt ġo dinja oħra lli ma kelliex tkun

u bdejt tistaqsi lilek stess kif hawn sibt ruħħek;

għalik ukoll nixtieq li nagħmel

kif jien imdorri nagħmel

mar-riħ dal-versi nferrex

biex nilħaq

lil min ir-riħ  iwieġeb

u jgħidlu iva . . .

Għalik li taf li kollox huwa għalxejn

għax tinkiteb għad l-istorja.

Alfred Grech

11/10/2017

Moħbija Tkun Fil-Qratas Żagħar Mormija.

Moħbija tkun fil-qratas zagħar mormija,

Mingħajr ma ħadd jindenja jagħti kashom

Għax toħroġ trid bħal meta l-poeżija

Minn bejn ix-xquq tal-art bl-asfalt mogħottija.

Bħal verita’ li tista’ mank tingħaraf

Mil-li tagħllimt jew għadek qed titgħallem

U ssib li xejn ma jiswa’ dak li jgħidu

Bil-qwiel u l-għerf li nġemgħa tul is-sekli.

Is-sewwa kien u għadu u jibqa’ moħbi

Ikkammuffat  taħt strati skart u żibel

Li nġema’ jew bi żball jew sforz il-bniedem

U trid issibu b’lenti ftit  qawwija.

Waħedha toħroġ din bħal-poeżija

Bħal għanja mingħajr ton u ta’ bla ritmi.

Kien żmien  fejn kont sabiħa u attraenti

Illum li xagħrek bjad u l-ġilda tkemmxet

M’għadekx b’dik iż-żegliga timxi dritta

Dublett qasir żarbuin b’takkuna twila

U jiena bħall ħaddieħor wiċċi ndawwar

U nerġa’ nara sew jekk kontx rajt sewwa

U nerġa’ nagħraf lilek għall-darba oħra.

Għax mhux tassew li ż-żejta f’wiċċ l-ilma jitla’

Trid togħdos wisq fil qiegħ u tfittex sewwa

Biex għad xi darba ssib dik ix-xintilla

Il-bogħod mill-ħars tan-nies, ’mma nsibek fl-aħħar.

U mingħalija tgħaddi bla ma nafek

U tgħaddi tisfen żifna li tinagħraf

Sakemm isir il-lejl u mbagħad tinħeba.

Xħin insibek  inħossni mort imqarraq

Għax kont ħlejt ħafna żmien indur u infittex

Met’inti kont qiegħeda hawn, hawnhekk biswiti.

Alfred Grech

10/10/2017

ekk Tieqaf Ftit Tintebaħ.

Jekk tieqaf ftit tintebaħ

Mhux wieħed jien minn dawk

Ġrejt wisq fil-fatt iżd’inti

Kont għadek dejjem hawn.

Hawnhekk m’għadux pajjiżi

Inħossni bħal miblugħ,

Il-mewġ li jiġi lura

U baħar kbir miftuħ.

Fis-skiet erġajt sejjaħtlek

U l-ġilda bdiet tixraf,

Għax wiċċek beda jieħu

Is-sura ta’ min naf.

Xħin tħares fiss f’għajnejja,

Taqrax li sar l-ħin,

Biex terġa’ tieħu postok

Fil-Pantheon divin.

Alfred Grech

09/10/2017

Int Ukoll Weħilt

U int ukoll weħilt ma dis-sunnara

igganġjata, lanqas tafx kif ser tinqala’.

U jien kont naf li bħalek jagħmlu kollha

għax jien kont hemm minn qablek

fit-tarf tal-blat ta’ xatt il-baħar

u qbist u taljt ukoll għall kemm il-darba

biex nara l-ilma kemm hu kiesaħ.

U naf ukoll  x’fond hemm u x’hemm fil-qiegħ,

għaliex missejtu kemm il-darba.

Int trid tagħmilha li mintix ixxomm il-liska;

iżda jiena li kont hemm għall-kemm il-darba

naf żgur li tard jew kmieni  għad trid taqa’ int ukoll

għat –tentazzjoni, u jien nerħilek il-ħarira

ħa tiġbed kemm trid int, sakemm iċċedi.

Imbagħad la tgħidx li kont kattiv,

jew li m’għedtlekx minn qabel

Alfred Grech

08/10/2017

Hai Mai Chiesto?

Hai mai chiesto

che questo non e’ quello che dovevi fare sin dal inizio?

che ci sono alte destinazioni

per quali sei chiamato?

Hai mai pensato che il tempo passa senza che te ne accorgi?

Il tempo  passava prima che tu arrivassi

e che passera’ anche dopo la tua partenza,

O forse non passera mai, chi sa?

E che forse non ci fosse il tempo

ed il tempo non sara’. . . . .

Hai  mai pensato

che tutta questa storia

cominciava da chissa quando

e finira’chissa come?

e che con te o senza  te

il tempo ci sara’ per sempre?

Che quando stavi scivolando nella grondaia

il tempo passava ancora,

 anche perhe’ tu non ti accorgevi

che sopra di te billavano  le stelle

Alfred Grech.

08-10-2017

Tkun Biċa Mis-Sistema.

Tkun biċċa mis-sistema

U tidħol fl-ingranaġġ;

Titgħallem narrativa

Li hi wild tar-rappurtaġġ.

Tkun biċċa mis-sistema,

Fejn ma jitniffes ħadd,

Taparsi li qed jiġri,

Għax komdu qed kulħadd.

Għalfuna dak li riedu

Titkellem m’hemmx għalfejn,

Qagħadnielhom aħna għal kollox,

U ħadd ma jsaqsi xejn.

U l-makna tibqa’ tqarmeċ

U r-romblu jibqa’ għaddej,

Id-dras ikomplu jkissru

Biex tinsa’ minn fejn ġej.

Alfred Grech

07/10/2017

Jien Nikteb.

Jien nikteb mhux biex noqgħod

Nitpaxxa b’dak li ngħid,

Bħal min ried jieħu prosit

U jaf li għadu ’l-bgħid.

Bħal min ġol mera jħares

U jogħġbu dal li ra,

Narċisu jħares fl-ilma

U tgħidx pjaċir kemm ħa.

Jien nikteb bħal min jieħu

In-nifs li jsir duħħan,

Bħal min il-pipa jpejjep

U kollni nsir għarqan.

Jien nikteb għax ġo fija

Ibaqbaq kaldarun,

Inħossni rrid nisplodu

U ntajjar il-misħun.

Jien nikteb għax ġo fija,

Iriegħed bħal vulkan,

Bħal riħ li jiknes, jobrom

Sa fl-aħħar uragan.

Alfred Grech

06/10/2017

Inti Li Tħobb Tinħeba.

Inti li tħobb tinħeba

Fid-dalma ta’ bil-lejl

Warajk tħallili r-rieħa

U xewqa ta’ bla kejl.

Inti li tisparixxi

Fid-dħaħen u fi-ċpar

Għasfur li beda jgħanni

U f’daqqa tar u mar.

Inti bħal poeżija,

Xi drabi mka nifhmekx;

Iżżurni xħin jiftillek,

U ara ma tlumekx.

Inti sibilla tbassar,

Nisimgħek, ma narakx,

Fit-tempju mqaddes tiegħek

Tiskanta għax ma nafdakx.

Leħen li qatt ma dewa

Tibbrilla bħal kristall

Il-ħlewwa li ddewwaqni

Daqs l-għasel qed jinħall.

Tikber fil-baħħ li tħalli

Misteru ma taraħx,

Werqa li trid tittajjar

Mar-riħ li ma jiflaħx.

Alfred Grech

05/10/2017

Skiet

Bħal-tren mingħajr binarji,

jew dell li bqajt ma rajtx,

fil-poeija tħalli

il-leħen li ma smajtx.

Dan skiet li qatt ma jdiwi,

isaltan biss ir-riħ,

mal-weraq li jġorr miegħu

fil-misraħ b’ta ġo fih.

Tikber fil-baħħ li tħalli

u mit issir mill-ġdid,

biex terġa’ tisparixxi

fid-dinja tat-taħwid.

Alfred Grech

04/10/2017

Xħin Jerġa’ Jitla’ l-Ajru.

Xħin jerġa’ jitla’ l-ajru,

Fis-sħab tas-sentimenti,

Il-patali tal-warda,

Mar-rwiefen u l-kurrenti.

Tas-sewwa li jixxokkja.

Tal-qalb li tħabbat qawwi,

Lumija qed tingħasar

U l-ħafna krib tal-gawwi.

Kellimtni fuq l-imħabba

Infxilt u tlift ir-radda,

Mal-melħ fid-dmugħ iġelben,

U t-tbajja fuq l-imħadda.

Hu dakl li tridu qribek

Li jixbaħ l-akbar għadu,

Bħal pixxiplamtu jirgħa,

Għax hemm min qed jistagħdu.

Xħin jerġa’ jitla’ l-ajru,

l-riwiefen ta’ ġo fija

Tintasab fuq il-plajja,

U terġa tmur mal-bqija.

03/10/2017