Baħrija.

Ma nafx jekk għandix nifraħ

inkella nkun imdejjaq

Baħrija nvażata ta’ bla seħer

ta’ destin għarib u ġejjieni mċajjpar,

ġejt hawn, qed tiffittani

tisfidani u ttellifni s-sliem u s-skiet

tal-ermitaġġi tiegħi.

Jekk għad ittawwal ftit idejk

issib li trid tilħaqni.

Jekk tibqa’ hemm fejn int

jien nibqa’ nikkuntempla t-triq

li minnha rridu ngħaddu,

Inkella nagħmel qabża u ndur mal-kantuniera

tal-univers invers.

Baħrija ta’ dell iswed

jisgħobija li rġajna ltqajna

fi triq li mhix tas-soltu.

Aktarx li kien miktub li kellek taqsam il-mogħdija

mnejn kelli ngħaddi.

Ta’ din l-isfida, tpattija qares.

Alfred Grech

29/04/2018.