U Le Ridt Biss li Ngħanni.

U le ridt biss li ngħanni

U ngħid li qed inħoss

Dak li qed jissikkani

Bħal morsa qed iross.

U le ridt biss li ngħanni

U mhu qed ngħid xejn ġdid,

Jien ngħidha kif inħossha

Kelm’iebsa bħall-ħadid.

Mhux nagħti xi tagħlima,

Infassal xi qawl ġdid,

Nagħmilha ta’ profeta,

Inxandar t-tiġdid.

Din ruħi wisq imxekkla

Marsusa f’dan l-ambjent

Trid tagħmel bħal ħaddieħor

U timxi mal-kurrent.

U le ridt biss li ngħanni

Għaxfl-agħana hemm il-ħelsien

Ta’ruħ li trid tiskarta

U tħares ‘l-quddiem.

U hekk se nibqa’ ngħanni

U hekk inkun magħruf

L-għannej tal-għanja ġdida

Għal ftit tal-ħin misluf.

Alfred Grech

19/04/2018