Bħalma Tixgħel Xema.

Bħalma tixgħel xema xegħelt it-tama

Li magħha dendilt kull ħolma li stajt toħlom.

Kollox jieqaf xħin jiġi l-lejl

Minbarra l-qalb qed tħabbat,

Inkella l-ħsieb li jagħmel bħal nemusa

Jew ajruplan li ġej mill-bogħod.

Lili, ma tħollnix bil-kliem li tgħidli

Tiġbidni biss tbissima ta’ filgħodu

Imżewwqa b’xi wegħġeda li taf li mhux se twettaq

U tkompli ta’ kulljum qed tgħix il-gidba

Sakemm imbagħad tintebaħ

Li żlaqt fuq qoxra ta’ ġellewża.

Imbagħad jekk tidra toqgħod ħdejja

Għandu mnejn li t-tnejn nibdew naħsbuha bħal xulxin.

Jekk ix-xemx lit-tnejn taħraqna

Id-dell tagħna ma tirkbux

Nispiċċaw it-tnejn nitbiegħedu

U x’jaqqgħadna ma nsibux.

Jekk kulljum nibdew niskopru

Dak li aħna jew m’aħniex,

Jien inħobbok għax iġġiegħni

U xħin titlaq nerġa nfiq.

Alfred Grech

17/05/2018