It-Tmiem.

It-tmiem mhux meta tiltaq

It-tmiem x’ħin meta ma tibqax tiftakar aktar,

U f’moħħok ma tiġik ebda xintila,

Inkella talba li tħassar it-tifkira.

Il-ħsieb kemm trid, irid jiġġerra

Bħalkieku kien xi għoqda fissa

Li ijassar lir-ruħ.

Il-ħsieb isir mina vaganti

Sħuna fl-għarar tax-xemx il-lejl.

Is-skiet jitkaxkar bhal serp kiefer fuq il-ġisem

Bil-petizzjoni ffirmata mwaħħla mal-gerżuma.

L-ebda kapott ma jsaħħan il-memorja

U lanqas jaqta’ l-bard tal-biża’ jterter.

Il-pori kollha jisfidaw lis-sema

Iraxxax xita dmugħ fuq ir-rużarju

Ssikkat bejn swaba jisma’ l-karba.

It-tmiem hu dawl fiċ-ċpar oħxon tal-periferija

Fejn il-fanali tal-karozza jiġru sfrenati wara l-vittma

U f’daqqa waħda tara kif jintefa’ univers.

Ir-riħ ħa nifs qawwi u sab il-melodija li kien jistenna,

Li baqgħet imdendla bħal ġagħwra fuq il-qalb.

Alfred Grech

14/05/2018