L-Għaliex.

Hu biex nirrendi mingħajr sugu

u ta’ bla saħħa dit-tnehida li jien

nikteb b’dan l-ilsien li mank jinftiehem

Imħallat mal-ilwien ta’ qawsalla artifiċjali

ilwien ġodda, frott ta’ moħħ

u qalb titniegħed

ilwien artifiċjli jidwi ħsejjes

tal-eklissi ta’ univers magħluq ġo kaxxa

ta’ żmien li qatt ma beda

eternita’ mnaqqxa u ċirkoskritta

fl-ispazju u fi-żmien.

Din hi t-tnehida li ma tinstemax

pennellata li titħassar

berqa li tintesa.

Għalhekk jien naqbad dil-pinna

u nħarbex dawn il-versi.

Alfred Grech

27/10/2018