Lilek.

Lilek ja sirena tal-bnazzi

Li tiġi kull filgħodu ssellimli

Bla ma titbissem

Għax tibża’ li b’daqshekk

Tikkomprometti ruħħek.

Lilek t’għajnejk skuri

U xuxtek sewdenija

Tagħtini daqqa t’għajn imbagħad tiżgiċċa

U tgħidli li tassew

Tixrieqli l-għodwa t-tajba.

Lilek ja sibilla

Ta’d rgħajk miftuħa

Li għandek qalbek kbira

Biex tħaddan il-kolossi

Li b’riġlejhom  jagħaqqdu naħa m’oħra.

Lilek dawn il-versi

U għad irridek tgħidli

Xi jkun għaddej minn moħħok.

Alfred Grech

29/06/2019