Int Sabiha.

Int sabiħa daqs is-skiet

Il-ġmiel hu l-velu tiegħek

Bħal għadira tirrifletti

Is-sema ta’ bla nikta

Il-qiegħ tal-oċean li jaħbi

l-għana tiegħu

u dlam il-lejl li jostor kull misteru.

Int tista’ tagħmel kollox u tkun kollox

Fil-baħħ u wisa’ mistiku li jifridna

U trid li tibqa’ l-bogħod biex lili tnebbaħ

Bl-għeġubijiet li tista’ tnissel

Bla ma tnissilhom.

Alfred Grech

07/02/2020