Jien Nibqa’ Nfittxek.

Iva hemm dak li ma jidhrix

l-inskrutibbli li jiġi fuqna ilsna tan-nar

bħal fil-pentecoste

u jgħaqqadna bil-fil konduttur

tal-enerġija tal-baħħ li mhuwiex baħħ.

U aħna erwieħ vaganti

Infittxu lil xulxin sabiex ningħaqdu.

Iżd’ issa inti sirt bħal kewkba mitlufa

Anġlu  tan-niket u tad-dilemmi

U ma timsax il-ħoss tat-trumbetti

Idoqqu r-ritirata.

Iva jiena xtaqt nifhmek

U int stajt ħriġt mix-xejn

Ġejt mingħajr fosdqa

Għax imqar ix-xejn

Beda jieħu sura.

Iżd’inti mbagħad staħbejt

Ma bqajtx aktar tidher fl-arja tqila

Fit-tinġis tal-inkomprensjoni

Fil-multitudni.

Jiena nibqa’ nfittxek fil-bosk tad-dlamijiet.

Alfred Grech

20/02/2020.