Fil-Ġenesi Hemm Miktub.

Fil-Ġenesi hemm miktub

Li n-Nefilim tgħaxxqu bil-ħlewwa

Tal-bniet tal-Bniedem,

Sa waslu biex ħaduhom b’nisa tagħhom,

U minnhomk twieldu l-ġiganti.

Int forsi ridtni nkun il-ġgant

Neħilsek mill-ħbieb tiegħek,

Jien iżda kont minnn qabel naf

Li gwerra ġa mitlufa.

Int bdejt tibgħatli mal-ħamiem

Missivi konfliġġenti,

U l-ħamiem baqa’ jtir

U għadda minn fuq rasi.

Imbagħad intbaħna t-tnejn

Li konna ngħixu ħrafa,

U jiena l-anġlu ribelli

Meta mħabbtek kienet divina.

Alfred Grech

14/06/2018