Imnaqqxa Hemm It-tifkiriet.

Imnaqqxa hemm it-tifkiriet tad-dehera tiegħek

sibilla t’elf mitt skuża u t’elf mitt qamar.

Int ma rajtnix fil-kwadru li pinġejt,

Il-kwadru kien għal-mostra ta’ ħaddieħor

Ridt biss magħluq iżżommni fil-kaxxetta

tal-bżonnijiet jew ta’ xewqatek.

Int ridtni konfessur biex tqerr dnubietek,

jew xalpa ddur mal-għonq f’lejla xitwija.

Jien ridt li nibdni pont biex fuqu nimxi

u tgħaddi l-ferrovija ta’ ħajjitna.

09/07/2018