Min Jaf Hux Kollox.

Min jaf hux kollox attaparsi

Int kieku lanqas tgħidli

Għax inti attaparsi tħallini fl-għama,

l-għama tal-boloħ.

Int tgħidli li fl-ikbar u fl-iżgħar

Kollox jiċċajpar,

Ma jibqa’ xejn distint

U l-ebda xefaq ma jifred

Is-sema mill-baħar.

Sadanittant ix-xemx

Titla’ u tinżel kulljum

Minn wara x-xefaq

Siparju jieħor li jostor

Simulazzjoni.

U jiena qmara ieħor

Fl-orbita bla naf

Tal-qawwa ta’ sbuħiek.

Alfred Grech

31/07/2018