137.

X’jispara qisu vleġġa hsieb ix-xewqa

Filwaqt li qiegħed hawn fuq mejda waħdi,

Quddiemi nies għaddejja qishom f’ħolma

U jaħbtu ma xulxin fuq dil-bankina,

U inti mintix hawn iżżommli jdejja.

Int missek qiegħda fl-għajn ta’ min iħares

Inkella hawnhekk biex miegħi tista’ tishar.

Tkun int is-sieħba tiegħi tal-konkwista

Daqs trankwillant il-ħsieb li qiegħda ħdejja

Niżżeffen bla ma naf fuq il mewġ il-benna.

Aħjar li mintix hawn għaliex inkella

Ġo moħħi tibda tgeġweġ it-tfittxija

Biex lilek nagħmlek ħienja bla nintebaħ

Li hienja int kif int imqar mingħajri.

Alfred Grech

11/09/2018