Matutin.

 

Kull meta nqum filgħodu

U noqgħod nifli sewwa,

l-irkejjen u l-inħawi

u l-fond ta’ minni l-ġewwa.

 

Ma jkunx għaliex nixtieqek

Jew niġi ħdejk bil-ħrara

Għax ħsiebi jkun velenu

Jgħodd biss dak li qerd nara.

 

Kull mistoqsija skuża

Biex nerġa’ ngħix jum ieħor

Kull meta nqum filgħodu

U ngħarfek minn ħadieħor.

 

Qed nidħku bina nfusna

Lilhinn minn kull ħaġ’oħra

Kull jum li fih qed ngħixu

Xħin ħaġa ġġib lill-oħra.

 

Alfred Grech

30/07/2020.

 

154.

Trid Tkun bebbuxu tidħol ġo qoxortok

Jew fenek li tistaħba ġewwa l-moħba

Fil-baħħ ta’ ġewwa fik ftit, ftit tintilef.

Il-lejl qalil tar-ruħ ftit hawn min jifhmu

Inkella lest fil-ħemda jisgħar waħdu.

Mill-wied mudlam tal-mewt xi darba tgħaddi

Bil-ftit tal-ħila u determinazzjoni.

Hemm barra hemm il-ħsejjes tal-imġienen

Il-boloħ megħdijin fil-marċ tal-festa.

Issib li t-tranżizzjoni wġih u dwejjaq

Sakemm tkun iggranfat ma dak li għandek

Ma dak li taf li jgħaddi u ma tridx terħi.

Jgħidulek tibża’ għal saħħtek: ibla’ l-pirmli

Biex tkun normali u tiġi funzjonali.

Alfred Grech

29/07/2020.

Bħal Vjaġġ Fuq Ajruplan.

Ikun bħal min isib ruħu

Fuq naviċella spazjali

Il-mogħdija għan-naħħa l-oħra.

Ma tafx kif tħossok xħin tibda tintrefa

U tirbaħ il-qawwa

Tal-gravita’.

Inkella t-tmien għad jasal

Bla ma tintebaħ.

Ikun bħal vjaġġ fuq l-ajruplan

Għall ewwel darba:

Ma tafx x’se ssib,

Ma tafx x’ser tagħmel

Xħin tasal in-naħħa l-oħra.

Tkun taf biss xħin tkun tintrefa’

Inkella jkun it-tmien.

L-aqwa li taf x’qed jiġri.

Alfred Grech

28/07/2020.

Int Bħal Uragan.

Int bħal uragan,

U jiena rrid niġbor

U nġonġi l-biċċiet li tħalli

Kull xħin tgħaddi.

Il-ward li offrejtlek

Mill-ġnien għammiel tal-qalb

U tax-xewqat imxennqa ta’ ruħ

Li xebgħet tilgħaq il-ġrieħi tagħha.

Jiena ridt nifhmek

Bħal min tisliba jimla bil-kliem li jsejjes

Fuq kull ħjiel li jista’ jislet.

Issa li m’għadekx magħna

Qtilt ukoll u dfint

Dak li kont qiegħda toqtol int

Bil-ftit il-ftit

U għalxejn taqqabtni b’ħarstek l-aħħar darba

Għaliex lura ma nerġgħa.

Ma rridx nibqa’ werżieq iwerżaq

Jekk lanqas għal xhiex niġġieled ma baqgħali.

Alfred Grech

27/072020.

Int Tgħid.

Int tgħid li trid tferraħni

tagħmilni wkoll kuntent,

bħal meta fuq ferita

iddellek ftit ungwent.

Int tista’  tkun l-iskuża

biex noħroġ minn dal-foss,

tax-xejn tal-eżistenza

mingħajr ma nagħmel ħoss.

Int tgħid li trid tfarraġni

bla naf minn fejn ġejjin

id-dwejjaq li jitwiedu

kurrenti għaddejjin,

Int tista’ tkun it-tila,

il-pinna tal-awtur,

strument ta’ mużiċista,

dettall f’kapolavur.

Alfred Grech

26/07/2020.

Kemm Se Ddum?

Kemm se ddum, tiela’ u nieżel

Ittenni  ta’ kulljum

Dak li ġonġejt il-bieraħ

U x-xogħol qatt mhu mitmum.

Mid-dar trid tmur l-uffiċċju

U mill-uffiċċju għad-dar

U dejjem ħajja waħda

U ddumx għax il-ħin sar.

Bilfors hekk qalbek taqta’

U tgħid dan hu għalxejn,

Li l-ħajja bla tifsira

U tkompli tgħix għalfejn?

Trid tkun biss ossessjoni,

Jew ta’ min ma jaħsibx,

Ikompli f’dir-rutina

U b’dan la tistagħġibx.

Hemm biss il-ħsieb tal-għada

Min jaf ikunx bħal-lum,

U lill-allat t’olimpu

Tisfida ta’ kulljum.

Hemm biss li tibqa’ konxju

Mhu xejn dan ħlief duħħan,

Għax kollox irid jgħaddi

U xejn ma sar bil-għan.

Hemm biss li tuża moħħok

U fis issir ribell,

Taż-żmien u ċ-ċirkostanzi

U żieda fuq munġbell.

Alfred Grech

25/07/2020

Ħassejt.

Ħassejt iċ-ċaqliq ta’ġismek

Jiżżewweġ mal-bqija tad-dinja

U l-ħemda li fiha ridt tostorni

Kienet stedina għal mixja fit tul.

Ħassejt is-sejjħa divina

U lanqas naf għal xhiex

Jien kelli nwieġeb.

Jekk nimxu id f’id

Għad nistgħu noffru sbuħitek

lix-xemx, inkella lill-kwiekeb.

U xejn ma ngħaddu lil xulxin

Għajr offerta ta’ xewqat ħielsa.

Alfred Grech

23/07/2020.

Enstrangement.

To keep out the astonishing noise

Of those who poison their veins with nonentities

And those who have never touched

The gates of sweet illumination.

Then and only then my house will truly be

My castle.

I will find you in the violence of the waves that beat

Against  the boulders of a forlorn beach

And your return shall show me how

All of them were only  carven images

Digital creations of an imagined land

And that all I needed was

Your song.

Tell me! What was it

That carried me away

Into enstangement.?

Alfred Grech

21/07/2020.

U Issa Naf.

U issa naf ukoll li nista’ ngħaddi

Mingħajr taħbit il-mewġ ma xatt il-baħar,

Jew tqanqiliet l-għasfur tal-bejt filgħodu

Iħabbar sbieħ il-jum, mal-ħġieġ tat-tieqa.

U issa naf ukoll li nista’ ngħaddi

Mingħajr il-melodija li daqqejtli,

Jew l-għana seduċenti tas-sireni

Kull xħin ix-xema taqa’ minn widnejja.

Li ma nafx hu, jekk jien ngħaddix fil-ħemda

Taċ-ċelular li tilef issa n-numru

Tiegħek, inkella l-ħsejjes tat-takkuna

Xħin titlaq ’l-hemm mingħajr ma tlissen kelma.

Alfred Grech

21/07/2020.

Int Biss Ja Kewkba.

Ghaddejt zmieni naghmilha mal-uhux

u fl-irriverenza tal-ballerini jizfnu

zifniet virtwali li jgongu ktajjen

ta’ kliem fieragh u duhhan minghajr tipjip.

Int biss ja kewkba li ma tiddix

ghax gmielek u kburitek fis-satra

tal anonimu trid jew ma tridx

kellek turini t-triq.

Fil-galleriji tal-grattcejeli u hmizrijiet ta’ bini

milqut minn dawl li ma jaghmix

qatt ma bsart li stajt tqawwili qalbi

u li fis-skiet tas-solitudni stajt

nilmah il-kuluri tas-semaforu.

Stharrigt biex nara nonsbokx

bil weghda tal-kalci qed ifur

izd’int malajr intbaht

li l-loghba tan-nar kien spicca

u xhin tistaqsini ghaliex fittixtek

imwiegbek li  ma nafx.

Alfred Grech.

19-07-2020.