Int Tgħid.

Int tgħid li trid tferraħni

tagħmilni wkoll kuntent,

bħal meta fuq ferita

iddellek ftit ungwent.

Int tista’  tkun l-iskuża

biex noħroġ minn dal-foss,

tax-xejn tal-eżistenza

mingħajr ma nagħmel ħoss.

Int tgħid li trid tfarraġni

bla naf minn fejn ġejjin

id-dwejjaq li jitwiedu

kurrenti għaddejjin,

Int tista’ tkun it-tila,

il-pinna tal-awtur,

strument ta’ mużiċista,

dettall f’kapolavur.

Alfred Grech

26/07/2020.