TASSEW TINSAB IL-BOGĦOD.

Tassew tinsab il-boġħod

Minn kif naħsibha jiena,

U dak li qed intenni

Tgergir ta’ ruħ għajjiena.

Noqorbu, mbagħad nitbiegħedu

U nsibu kif inbdilna

Int tibqa’ tgħid li tħobbni

U nagħmlu kif jiftlilna.

Inti tinsab il-bogħod

Imqar jekk taħseb għadek

Li qiegħeda bieb ma bieb

Ġo ħoġri għax l-imbid ħadek.

Għax jien fl-aħħar mill-aħħar,

Jien ngħid li lanqas nafek,

Dak li xi darba rtbaħna

Kien hawn, ħaduh ix-xjafek.

Alfred Grech

25/07/2017