X’Għandek Aħjar Minnhom­?

X’għandek aħjar minnhom biex titkaża,

Imwaħħal mal-ikoni u mal-graffiti,

Tal-poeżija ssuq l-aljenazzjoni?

Naqx u xbihat li taħseb l’hemm fis-sema,

U tmil quddiemhom biex tagħtihom qima,

Is-simboli jnagħsuk, alluċinanti.

U x’tagħmel int jekk mhux qed tagħmel bħalhom?

Tagħhom fid-dieher, u tiegħek tafal moħmi.

Għax huma mgħallma hekk u hekk biss jafu

Iżd’inti tlajtha t-Tabor tas-sorpriżi,

Tad-dehen u tal-għarfien, ta’ żmien il-qirda,

U dħalt fil-maqdes fejn isseħħ il-bidla

U kont ix-xhud tat-trasfigurazzjoni.

Alfred Grech.

Ta’ Pinu 02/07/2017