Jekk Ridtek Kull Filgħodu.

Jekk ridtek kull filgħodu

Tkun ħdejja malli nqum.

Xħin saret in-nofs siegħa

Trid tparpar bla ma ddum.

Jekk ridtek kull filgħodu

Fejn nista’ nsib nistkenn

Mid-dwejjaq li nqum bihom

Għalija ferħ ta’ ġenn.

Imbagħad xħin il-ġurnata

Issir u jgħaddi l-ħin,

Niltaqa’ man-nies nibda

U ma nibqax. miskin.

Insibni aħjar mingħajrek

Għax inti telf ta’ żmien

Għax int biss distrazzjoni

U bik ma mmur imkien.

U noħroġ minn ġol fosdqa

Nintreħa mal-kurrent,

U lanqas naf fejn sejjer

U ngħix biss il-mument.

Alfred Grech

04/03/2015.