Din  Hi Malta li Ridna.

Din hi Malta li ridna

Għax bżajna mill-babaw,

Ħakkiema, maltin bħalna

Mas-setgħa jiggranfaw.

Mix-xjaten li jaħkmuna

Għax l-għadu qed hawn ġew,

M’aħniex ta’ min jafdna

U bżajna naqdfu sew.

Din hi Malta li ridna,

Il-ġlieda tal-ħesien

Insejna, rkibna karru

Ta’ dak li seta’ kien.

U sirna biċċa waħda

Min kontinent misjur

Insejna min konna aħna

Ġens żgħir: imma sinjur.

Tas-swar ftaħnihom beraħ

Kanċelli u l-bibien,

U ftaħna saħansitra

ix-xtut għal min kien kien.

26/02/2019