Divin Jien Għad Nispiċċa.

Divin jien għad nispiċċa,

Xħin nirbaħ din id-dinja

Xħin naħrab lili nnifsi

Ġarraft ukoll il-binja.

Hekk biss jien nista’ nirbaħ

Il-jien u s-saram tiegħu,

Sirt naf li ma kontx jiena

Bit-toqol li jġib miegħu.

Hekk biss jien nista’ negħeleb

Id-dnub u s-sens ta’ ħtija,

Xħin nitlef din ix-xbieha

U l-maskra li nqum biha.

Ta’ dak li nġorr fuq dahri,

Li kien jew il-ġejjieni,

Insir malajr profeta

Ta’  dak li jagħmlek ħieni.

Bħal nemlu jgerrem ġebla

U jibqa’ bla jibdielu,

San-naħħa l-oħra jinfed

Bla jsaqsi, dan x’jiswielu.

Alfred  Grech

19/08/2016