Kont Hemm Int Dakinhar.

Kont hemm int dakinhar

Gwardjana tal-konfini

Xħin jiena qbiżt fid-dlam.

Kont hemm int dakinhar

Tistenna jiġi l-għada

Biex bħallikieku

Tipprova t-teorija.

F’pitazz li nżomm fil-but

Miktub kien il-ġejjieni,

U inti tlabtni wegħeda

Li biha nirriskatta

Id-dejn li ma stajtx nifdi.

Imbagħad hawn tlaqtni waħdi

Ma dal kurrent li ġarrni

Lejn l-għada tas-sorpriżi.

Biex ta’ kull darba nikkonferma

Li xejn ma nbidel.

Alfred Grech.

23/08/2016