Noqgħodu Ngħoddu l-Passi,

Noqgħodu ngħoddu l-passi,

il-passi tagħna t-tnejn

u mbagħad nibdew nistaqsu,

u dawn jibdew minn fejn?

Noqgħodu ngħoddu l-passi

fir-ramel tad-desert,

u nkomplu mbagħad nistaqsu,

u jwasslu dawn sa fejn?

Sa tiġi l-ewwel mewġa,

jew jibda’ jqum ir-riħ,

u milli għedna kollu,

duħħan, jew trid tinsieħ.

Noqgħodu ngħoddu l-passi,

infittxu l-frak tal-ħġieġ

fix-xtajta ta’ ħajjitna,

u naħslu wkoll kull ħmieġ.

U niflu waħda waħda,

ir-ramel u l-bebbux,

f’dix-xtajta ta’ ħajjitna

u nemmnu f’dak li mhux.

Alfred Grech

30-08-2016