Hawnhekk.

Hawnhekk malajr inħoss li jien barrani,

Nistona, u xejn ma noqgħod mad-dintorni,

Relitt ta’ żmien il-qedem li jispikka,

Kulħadd madwari jdur, qatt ma raw bħali.

Għalik għad nerġa’ nqum mir-raqda twila

Dir-raqda tal-bellus u ħolm tal-pannu,

U ma niktibx għalik biss poeżija,

Inti li llum qed tħossok il-mirbuħa.

Niktiblek poeżija wara l-oħra,

Inti li sfahjt bla tama u tlif is-sabar,

Imqarr bil-passi ta’ fekruna noqrob

Sa nasal ħdejk bid-dawl tas-solitudni.

Alfred Grech

20/02/2017