Ma Nafx.

Ma nafx nagħmilx l-iżveljarin

Idoqq fi żmien li ġa kien għadda

Għax dak hu z-żmien li naf

Biex ifakkarni f’għada

Jew dak li seta’ qatt ma kien.

Ma nafx huwiex aħjar ix-xorb tal-whiskey

Għas-serħan tal-moħħ

Biex b’hekk inkompli noħlom

Dak li fid-dawl tax-xema mank tista’ tara.

Ma nafx fejn qiegħda l-għażla

Ma nafx jekk dan hux ħmar il-lejl

Inkella ħolm ta’ nofs inhar b’għajnejk miftuħa.

Jista’ jkun li l-ħin żbaljat

Għaliex żbaljati kienu t-toroq

Werrej-pinnur li juri kollox

Minbarra  l-għażla t-tajba.

Jista’ jkun ninsab hawnhekk

Għax hawn mhuwiex fejn kelli nasal.

Alfred Grech

30/01/2019