Fit Tarf Ta’ Lejl.

Fit-tarf ta’ lejl qatt ma jispiċċa

ittamajna għalxejn li sejjer jisbaħ,

għaliex l-għodwa mimlija bit-taħbit tat-tnabar

bit-tisbit, u t-tħarbit ta’ min ried jaħtaf aktar

fin-non chalance tal- laissez faire.

Imbagħad smajniehom jgħidu

li għalihom ma kien ifisser xejn

li aħna nqbadna ġewwa gaġġa

bħal kanarini  jgħannu.

Għalina l-għasafar

ma kien ifisser xejn

li għandna t-twieqi miftuħin

għaliex hemm barra kien hemm

dwejjaq aktar minn hawn ġewwa.

Alfred Grech

16-07-2019.