IL-bieraħ Kien Hemm Inti.

Il-bieraħ kien hemm inti

ġiljuwa għada tiftaħ

fil-fwieħa mistħajjla

ta’ ġonna li jitbieħdu.

Il-bieraħ kien hemm inti

Għalkemm ma stajtx immissek

Għalkemm ma sajtx inkellmek

kont ħjiel ta xi qawsalla

li għad trid tidher

kont berqa fuq ix-xefaq.

Il bieraħ kien hemm inti

u ħsadtni ħabta u sabta

u tieqaf hemm il-ħarsa

fil qrif superfiċjali

fil bir ta’ xewqat ħielsa

fid-dawl ta’ kull tqanqila.

Illum iddardar l-ilma

u xejn ma għadu bħal qabel.

Illum tifhimni aktar.

Alfred Grech

28.07.2019