Lilek Ma Rridekx.

Lilek ma rridekx

biex tkun konkwista’ ġdida

ja kewkba misterjuża li kull ma jmur titbiegħed

u naf li jien għalxejn niggebbed

biex nilħaq merżuq dawl

fix-xefaq tal-ġmiel u l-hena tiegħek.

Lilek ma rridekx

biex it-tnejn li aħna

noqgħodu nfesdqu l-weraq tal-blanzuni

li ħallejna wara daharna tul il-mixja

nistaqsu l-mistoqsijiet bla ma nweġbuhom

għax nafu l-għadda żmien

iżda biżżejjed li nagħmlu diskursata.

Lilek ma rridekx

biex nagħmlu l-paraguni

ta’ xhinu jew seta’ kien it-tajjeb

jew nagħżlu triq mill isbaħ u mill aktar komda

imbagħad malajr nintebħu

li l-kruha qiegħda fuq il-ponot ta’ subgħajna.

Lilek ma rridekx!

Irridek titbissimli

biex tqanqal ġewwa fija

is-seħer taċ-ċkunija.

Alfred Grech

14.07.2019.