Met’Inti.

Met’inti tkun il bogħod

snin ta’ dawl minn dak li tkun qed taħseb

ma jimpurtax li tkun qed tħejji

il-mogħodija għad dinja tal-erwieħ.

U tibżax li l-bogħod li hemm bejn kewkba w’oħra

ma taqsmu qatt

għaliex hawnhekk tivvjaġġa biss ir-ruħ.

Hawnhekk trid trid tara kif takkwista il-mappa

il-mappa ta’ lilhinn li jiġi l-bogħod

mill-eqreb galassija.

Jekk qatt taħseb it-tul

il-firxa ssir ħafifa

għaliex imbagħad jekk għandek tfassal,

tfassal mappa ta’ dak li hu għal dejjem.

Mappa bħal dik

tista’ tkun ukoll xi ħaġa illużorja

bħal kewkba li tiddi biss kull xħin jiftlilha

Jew issb li tkun tħabbilt

fl-għanqbuta litkun  nsiġt.

La tiddejjaqx u la tibżax

għax aktar jagħtu fl-għajn it-tiċritiet i ċ-ċikatriċi

milli d-dnubiet li stajt qatt tagħmel.

Alfred Grech

17.07.2019.