Ejja Nqumu Fuq Saqajna.

 

Kif serqulna u kif ħarbtulna

Dan pajjiżna hekk ħanin

Biex ġo darna u ġo ħwejjiġna

Sirna qisna l-barranin.

 

Ejja nquma fuq saqajna

Dan imqar jekk qatt ma nġbarna

Nafu nqanqlu fidi ġdida

Nispiċċaw fejn qatt ma bsarna.

 

Ejja nqumu fuq saqajna

U nneħħuhom minn hemmhekk

Għaliex lilna jixirqilna

Ħafna żgur, aħjar minn hekk.

 

Għamlu mandra, għamlu miżbla

Nistħu ngħidu l’huma magħna

Ir-ruħ tagħna, l-mod kif ngħixu

U dak kollu li hu tagħna.

 

Jista’ jkun li għad nintradmu

Għax il-brimba laħqet niżġet

Għanqbut kbir ninn-naħħa s’oħra

U l-qarnita bil-wisq kibret.

 

Alfred Grech

18.08/2020