Ikolli Lilek.
Ikolli lilek tredden ġo widnejja
U mingħalik li nderri għad
biż-żmien,
Inkella tridni nieqaf fuq
saqajja
U qatt ma tista’ tħoss dak
li nħoss jien.
Ikolli lilek tgħidli x’għandi
nagħmel
U dan tgħiduli b’demgħa fuq
ħaddejk;
Tiftaħli jdejk u tistedinni
għandek
Ma tistaqsix nasalx niflaħ
sa ħdejk.
Alfred Grech
08/08/2020.
Mhux Biss L-Iġsma.
Issa mhux biss l-iġsma
Iżda mqar l-erwieħ qiegħdin
jitbiegħdu
Min jaf jekk hux għaliex qed
jibgħu
Li jittieħdu minn xulxin.
Jien lilek narak waħdek
Mingħajr frilli u mingħajr
xintilli
Iġġor lilek innifsek
Bħal ninfa fuq ir-ramel.
Hemm barra niex miexjin
Bla ħadd ma jaf fejn sejjer.
Lanqas naf x’ser naqbad
nagħmel.
Fit-twettieq ta’ dak
Li għandi nagħmel jien ukoll
magħżul.
Għalhekk arani jiena wkoll
Se nitla’ din it-telgħa
Inkella nibqa’ hawnhekk . .
.
Nistennik ġejja.
Alfred Grech
07/08/2020
Ejja Nirkbu Din Il-Mewġa.
“This Mounting Wave will roll us shoreward
soon”
Alfred Lord
Tennyson: The Lotos-Eaters.
Ejja nirkbu din il-mewġa
Għad iġġorrna lejn ix-xatt
Jew inkella nsibu ruħna
B’leħma ġdida mal-impatt.
Ejja nirkbu din il-mewġa
Biż-żegliga ta’ ġenbejk
Fuq ħaddejk il qamar jikfes
Jew niffissa f’dawl
għajnejk.
Ejja nirkbu din il-mewġa
Ma tafx x’għad u x’jista’
jkun,
Ma tafx kif għad forsi nrażżnu
Dan il-ġenju fil-flixkun.
Ejja nirkbu din il-mewġa
Jista’ jkun li ftit
mgħaġġlin
Dawn il-vrus malajr imħarbxa
Qishom żwiemel maħrubin
Alfred Grech
06/08/2020
Kull Meta Narak Ġejja.
Dan huwa ħeden il-ferħ
Ta’ molekuli li jiżżersqu
Fiż-żurżieqa tan-newroni
Kull meta nara lilek ġejja
Splużżjoni ta’ xi supernova
Kull pass li tagħmel
U meta tersaq lejja
Intir fuq l-ogħla sħaba.
Hemm ħafna ħwejjeġ li qatt
Ma kellhom jiġru
U ħafna ħwejjeġ li misshom
waqqfu.
Jiena u int illum tifkira
ħajja
Ta’ dak li darba kien
Issa li ma nistgħux nerġgħu
lura
Jien xorta waħda għadni
nfittex
Il-beraħ li tifrixli
Sabiex għad xi darba nsib
Il-Għala għadni hawn
nistaqsi.
Alfred Grech
05/08/2020.
Dakinhar.
Dakinhar li d-dinja kienet
iżgħar
Aħna konna anqas mgħobbijin
Bit-toqol ta’ dak kollu li
kellna
Ngħaddu minnu.
Dakinhar meta kollox kien kien
jinftiehem
U l-kbir kien għadu ġej
Konna ngħixu fl-istennija ta’
xi ħrafa
U kellna l-kurżita’ li
jisbaħ l-għada.
Dakinhar kien aktar ħieles
Il-kliem li konna ntennu
U moħħna kien aktar ċar
Konna għadna nintonaw
l-antifona
Tal-qaddisin
U nżommu t-temp mal-marċ
U l-bqija.
Dakinhar konna naħsbu li hemm
Xi ħaġa lilhinn mix-xefaq
U konna nistennew is-siparju
Se jinfetsaħ
Dakinhar kien hemm sorpriża.
Alfred Grech
03/08/2020.
Mhu Jiġri Xejn.
Għax fuqna ġew u biddlu wiċċ
id-dinja
bħal xjaten misħutin bla ma
staqsew.
U tiġi dik b’xuftejja kollha
żebgħa
u lilna qalet biss biex nistennew.
Hi tgħid li sejra żżomm l-ilpup feroċi
iżd’għandha fuqha biża’ tal-infern
Il-poplu jikkuntenta b’dak
li tbiegħlu
inkella bħal-pinnur idur fuq
pern.
Għax dak li hu tassew lanqas
jitwemmen
u jagħżlu n-nies li jemmnu
l-ħmerijiet.
U issa mqar it-tfal m’għadhomx
jilgħabu
għax l-attaparsi sar għeġubijiet.
Għidilha ’l-dik li tagħti
l-intervisti
Saħħara hi kemm trid mhux sħarijiet.
Alfred Grech
01/08/2020.
