Għax Qabdek it-Tferfir.

Għax qabdek it-tferfir u qed titfixkel,

Int għedtli li ma tafx kif qiegħeda tħossok,

Hassejt tal-kalamita ġibda kbira,

Ħassejt x’qed jimbuttak jew x’qed irossok.

Jien għedtlek, tinkwetax m’għandekx mniex tibża’

Għax jiena nħossha wkoll dis-sensazzjoni.

Jien xtaqt inżomm idejk ’mma f’daqqa waħda

Sibt ruħi ndur fid-dlam fil-konfużjoni.

Int għedtli jkun aħjar li nerġgħu lura,

Jien għedtlek, li qed tħoss mhux ħaġa b’oħra,

Kif qiegħeda tħossok int, inħossni jiena,

U nafu t-tnejn li konna hawnhekk darb’oħra.

Alfred Grech

31/10/2016