Trid Tħarrek Wiċċ il-Baħar.

Trid tħarrek wiċċ il-baħar

bil-mesġa ta’ subgħajk,

u l-ħafna kliem li jqanqal

sad-dell li hemm warajk.

Ir-ritmu l’aħna qbadna

mhuwiex dak ta’kuljum,

tal-melodija friska

tal-ferħ fil-qalb miżmum.

Xi ftit jew wisq jibqgħalna

fuq xefaq iffullat

l-għazliet ta’ żewġ namrati

f’ġejjieni mmakulat.

Ma rridx inħoll ir-ritmu

ta’ ħżus li ma narax,

ta’ dak li seta’ ġara

ta’ dak  li naqrax.

Għax forsi ntlift għall-kollox,

għax forsi wkoll salvajt,

u forsi tista’ taħrab

il-ħofor fejn waqajt.

Alfred Grech

19-10-2016