Hawn X’Ġejt Nagħmel?

Inċemplillek sabiex ngħidlek

li ġej għandek, dar ir-riħ.

U f’nofs triq nistaqsi nibda’

nerġax lura minnifiħ!

Imqar int xħin nasal għandek,

tistaqsini għalxiex ġejt,

U xħin tħares fiss f’għajnejja

mingħajr kliem il-baħħ imlejt.

Ġejt biex naħrab, ġejt biex ninsa’,

ġejt hawnhekk ma nafx għalxiex,

ġejt inġedded it-tifkira

u int malajr ħejjet il-friex.

Alfred Grech

28/04/2019