Għax Aħna Konna Nafu.

Għax aħna konna nafu li din mhijiex it-triq

U mbagħad bdejna nwaħħlu f’xulxin

Xħin sibna li konna ntlifna

Fil-labirint tal-espressjoni.

Għax aħna għamilna bħalma rajna

Lill-ħaddieħor jagħmel,

Mingħajr m’għamilna eżami tal-kuxjenza,

Jew staqsejna lil xulxin jekk dak

Kien jgoddx għalina.

Illum li kbirna u ntbaħna

Li l-ħtija mhijiex tagħna

Nistgħu nibdew biex naħfru lil xulxin

U lilna nfusna.

Alfred Grech

02/04/2018

Il-Mit tal-Irxoxt.

Jiena li infidt il kustat tad-dubbji

tal-freneżija u l-qtigħ il-qalb

u intlift fit-trasfigurazzjoni

ta’ bniedem mixli u xxurtjat,

ma kellix bżonn qawmien mill-mewt

biex nixoxta f’dinja ġdida.

Jekk inqum mill-mewt

ikun biex inpinġik jew nagħmel minnek

fuq sħaba bajda dik i-ikona

li ssir l-għaġeb tad-dinja.

Għaliex is-seher tal-misteru

iġib il-ħmar il-lejl u l-ossessjoni

tqanqil it-toqol li jegħereq aktar fond

fil-bir bla qiegħ tal-eżistenza,

fejn jien xi darba kont xhud tiegħi stess

u ħadd ħlief jien innifsi

mingħajr rakkmu

u mingħajr frilli

xħin messejt tarf l-univers.

Alfred Grech

Għid il-Kbir 01/04/2018

Lil Sunta.

Hekk biss irridek jiena,

liebsa l-ilbies li jaqbel mingħajr il-ħafna frilli,

biex ngħidlek kemm nixtieqek

imbagħad tifhimni  tibda  kull meta jitla’ l-ajru.

Hekk biss irridek jiena,

bħal xewqa f’tarf l-eklissi

tirradja qiswk kewkba

biex nifrex it-tapit u lilek nara

għaddejja bħal reġina.

Jien nibqa’ hawn trasfigurat,

 l-ammiratur ewlieni.

Hekk biss.

għaliex kull salt li nagħti

jien nagħmel kutrumbajsa

u nifrex id-duħħan tad-dmugħ

sabiex ħaddieħor lanqas jifhem.

Imm’int tifhimni.

Alfred Grech

01/04/2018.

Efimera dil-ħajja

iffinanzjar virtwali

m’hemm xejn  li jibqa’ għal dejjem

munita din virtwali.

Jekk int fuq naħħa għandek

is-snin tal-pusvalenza

tektika n-nħħa l-oħa

tas-susa fis-sekwenza.

Miżien imdaqqas f’sikktu

u m’għandek xejn kull naħħa

tal-alġebra tidqisa,

fin-nofs duħħan bla saħħa.

Alfred Grech
31-03-2018

Aħna nafu.

Aħna nafu iżda nemmnu li mhix din il mantra tagħna

Mhix it-triq li trid twassalna sabiex ninfdu swar lilhinn

Aħna nafu li mhux dan huwa r-rużarju biex insemmgħu

leħen fqir li jrid jasal sal-konfini

ta’ li hu jew seta’ kien.

Aħna nafu li mhix din il-purċissjoni

lanqas din m’hija l-filliera li trid twassal

min nisel għal nisel

minn żmien għal żmien

ta’ dil-mixja fid-deżert li trid tirfes fl-art imwiegħeda.

Din hi biss stennija t’għada,

jew irxoxt perfezzjonat.

Aħna nafu dak li l-bieraħ qal ħaddieħor

dak li qajla jagħmel sens

sabiex sforz lanqas ma nagħmlu

sabiex naħsbu nkella nindmu.

Aħna nafu! Madankollu nippreferu

illi nemmnu biss fl-allat

illi nemmnu fil-maġija

fit-teatru tal-assurd.

Alfred Grech

30/03/2018

Għal Min il-Kwiekeb Għandu.

Għal min il-kwiekeb għandu ġewwa qalbu

Il-lejl imdawwal dejjem:

Aħna li sa mill-bidu stajna mmissu

Is-sema b’subgħajna,

Ma bbastajniex bil-qċaċet tal-muntanji.

Lilkom ħallejniekom hemm fl-art

Timtlew b’ħafna arja sħuna

U d-doqqu tnabar li mank biss jinstemgħu

U trombi muti

Biex taljenaw irwieħkom bil-ferħ adulteru.

Aħna spiċċajna hawn fuq dan is-sħab

U qajla sejrin ninżlu

Fl-art, nitħalltu mal-bnedmin,

Jekk mhux għax hekk jinħtieġ

Jew biex insarrfu.

Alfred Grech

29/03/2018

Deżert ir-Ruħ.

Dal-waqtiet għal dejjem jibqgħu

Imdendlin hawn fil-preżent

Iżda li l-mili li firduna

Xejn ma jfissru għax kuntent.

Ġod-duħħan, ċpar tat-tnissija

Sibtni waħdi, sibtni kwiet,

B’din ir-rieda biex inkisser,

Dak li jxekkel, kull drawwiet.

F’dan deżert lli fih interraq

Lejl u nhar għal ħafna żmien

M’hemmx il biża li jirxoxta

Dak li għadda u seta’ kien.

F’salt ftakart! Dan mhux eżami,

Dan hu biss ħasil ir-ruħ,

Qtajtli l-għatx, il-ġuħ bil-manna

Ġod-deżert m’hemmx ward ifuħ.

Alfred Grech

28/03/2018