WAKING DREAM.

But then you said

that we all needed space

and here we are

trampling all over each other

in this murky place which became

our exile.

The birds of prey

that kill the young

and rob the widows of their orphans

leave our familiar landscape

barren as in a dovecot.

You said that life is worth it

and that you don’t remember

coming out of your mother’s womb.

So now how do you know

where on earth you are going?

You wished it happened like the snow

that falls noiselessly

or wished you vanished in a dream

that you do not remember

upon waking.

Alfred Grech

31-03-2019

L-Għanja Tal-Poeta.

Din hi l-għanja li qed tidwi

U tiffiltra minn kull xaqq

Qiegħda tidwi u tinstema

U tivvjaġġa bla tindaqq.

Ma kull mewġ ma kull tqanqila

Mal-buffura jew mar- riħ

Kull ċaqliqa tan-natura

Tkun bħal sejjħa minnufiħ.

Din hi l-għanja li tixxokkja

Jew bħal balla fi skaroċċ,

Din hi diska qed tinbarax

Jew insult mitfugħ bl-addoċċ.

Din hi xrara li tiħallat

Mal-ilwien tal-univers,

Dan hu dawl għal min hu għami

Dan hu innu ftit divers.

Din hi sejjħa li titqanqal

Qalb l-iskart u t-terrapien,

Din hi l-għanja tal-poeta

Li trid timla’ kullimkien.

Alfred Grech

29/03/2019

Chiron.

Tiġġerra ‘l-hawn u ‘l-hemm biex tfittex il-fejqan

Riċerkatur inġenwu

Iżda jiġrilek bħat-tabib

Li ma jagħrafx ifejjaq lilu nnifsu.

Ma kien hemm xejn minn dan

Kien hemm il-baħħ ta’ wara l-kwinti

U xħin jinfetaħ is-siparju

Tistsaqsi trid mill-ġdid jekk huwiex dan

Li kont mibgħut biex tagħmel.

Issib li dak li ma jidhrix

Hu dak li jagħmel sens fil-ħajja.

Uġih divin hu dan imnissel mill-allat

Biex minn issa ‘l-quddiem

Tibda tifhem xi tfisser

Is-salvazzjoni.

U jekk waqajt trid terġa’ tqum, titfarfar

U jekk tinsab fid-dlam

Xejn għajr id-dawl divin ma jista’ jnebbħek

Biex tibqa’ sejjra linja waħda

Dil-karovana

Lil hinn minn dak li jidher.

Imbagħad xħin tintebaħ li mhemmx fejqan

Tirtira fis-smewwiet

Tinbidel f’kewkba.

Alfred Grech

28/03/2019

Where Do I Get The Strength.

Where do I get the strength

to rise once more and move again

to get the inspiration

to sing to you the praises

that you deserve?

It takes a while to start the engine

because by now

we have worked it over the limits.

Where do I get the strength

to join the rest in the madness

of a jamboree

to rush towards an elephantine finish

towards the precipice?

Because after all that was the way

it was meant to finish

striving to arrive at the glorious end

of a high diver.

Where is the strength that I should have

to evoke the look of one of them

and make me the chosen one in your eyes?

But then I know I never was

one in a series.

Alfred Grech

26.03.2019

Biddllha Dis-Sentenza.

Biddlilha dis-sentenza

U ħassar dak li ktibt,

Din għada fl-aqwa tagħha

Zgur bħala ftit qatt sibt.

Aħfrilha dil-kundanna

Għax żgur li għadu ż-żmien,

Biex tiġi ħdejk u tħalli

Min jibki kullimkien.

Telgħetha bħal ħaddeħor

Biex tfittex ftit tas-serħ

It-telgħa tal-kalvarju

Fid-dwejjaq u fil-ferħ.

U bħal ħaddieħor emmnet

Fit-tajjeb u fir-risq

Li jixraq lil kull wieħed

Biex hi gawdiet ftit wisq.

U bħal ħaddieħor talbet

Dal-kalċi tal-imrar

Jekk jista’ jkun neħħilha,

Imqar jekk il-ħin sar.

Għax tħalli ser warajha

Baħħ kbir ma jimteliex

Biddlilha dis-sentenza

Destin li ma ħaqqhiex.

Alfred Grech

27/03/2019

Jien Qatt Ma Ridt Nitilqek.

Jien qatt ma ridt nitilqek,

ridt nibqa hawnhekk

inkaxkar saqajja fir-ramel ta’ deżert

mingħajr konfini.

Iżd’int imbagħad ħażżist it-truf

li jien ma kellix naqbeż.

Jien qatt ma ridt nitilqek,

waqqaft il-ħin u ħloqt l-ispazju

u b’hekk stajt nislet

l-imnaddaf mill-imniġġes

u xtaqt li kull tifkira tibqa’ għal dejjem.

Bħax-xeneġġjat il-ġrajja tagħna

f’sensiela ta’ puntati

u t-tmiem ma jasal qatt.

Xħin tlaqt imbagħad intbaħt

li qed nistrieħ u qed nistrieħ għal dejjem.

Alfred Grech

27/03/2019

Min Ruħna l-Ġewwa.*

Minn ruħna l-ġewwa

desolazzjoni  perpetwa

għax il-baħħ jibqa’ kbir

u jibla’ l-ħsejjes kollha.

Minn ruħna l-ġewwa eternita,

u ħadd ma jifhem għaliex

inħossu l-għeluq

li jifga.

Imqar xħin ftaħt il-bieb berah

in-nausea tistordi

is-sħana tmewwet

u l-għabra tad-deżert

tgħammex l-għajnejn.

Alfred Grech

26.03.2019                        .

*B’apoloġija Lil Goele Galea.

KifNista’Nibqa’Nterraq.

Kif nista’ nibqa’ nterraq

Ma folla ma tismghax

U bl-għamad fuq għajnejha

Ħlief flus din ma tarax.

Taħt gvernijiet li jfallu

Gol-għar ta’ ħallelin,

Trid twieżen biex tirnexxi

U trid tkun taf lil min.

U kollox sar jitħallat,

U kollox sar għanqbut,

U d-dritt u s-sewwa ntesa

Imabsta flus fil-but.

Għalfejn qiegħdin tistaqu

Il- ktiba fuq il-ħajt

Biex tagħraf dak l’hemm moħbi

Trid tifli dak li rajt.

Alfred Grech

25.03.2019

Ir-Riħ.

Wind is not something that settles in one place. It is something that believes in dancing on every leaf and filling every pore of your skin with its intangible presence.

Issa li m’għadnix ħerqan li nimxi mil jew tnejn

sakemm niltaqa’ miegħek

int tista’ taħseb li bdilt fehemti

u dak li għedtlek l-aħħar darba

kien kollu gideb.

Xejn minna dan.

Li ġara kien li dar ir-riħ u qabdet maltempata

u nefaħ ir-riħ fuq li miegħu ġarr

iż-żhar tas-siġar qed jistejqru.

Ir-riħ iqanqal ħafna trab

u jmejjel anki s-siġar

u jibdel il burdata f’daqqa waħda

mil-lum għal għada.

Alfred Grech

24/03/2019

Dwejra

Jista’ jkun li fil bogħod ta’ ġewwa fik

hemm sotterran li ma jifidx

inżul ix-xemx fejn is-siparju

jingħalaq maċ-ċpar ta’ ħafna kliem,

diskors fil vojt u storbju,

fis-sħab illumnat ta’ raġġi fulminanti.

Jista’ jkun hemm fis-seħer ta’ xtut imbegħeda

baħar sieket bħall-oqbra li fihom hemm midfuna

ir-rikkezzi ta’ tqanqiliet u nostalġiji

inkella għadajjar żgħar ta’ ilma mielaħ

li jispiċċw salini jistennew it-tieni miġja.

Misterjuż dan l-għana

inkantata u nkantevoli

ta’ mewġ il baħar mieles

ibus ix-xtajta siekta.

Alfred Grech

24.03.2019

                                                                

Għad Tilħaq Twarrad.

Għad tilħaq twarrad

għalfejn dal-ħafna kliem

il-baħħ jaf jidwi l-ħsejjes

ta’ li trid tgħidli.

Lili tifhimni mill-bogħod

minn xifer l-irdum

li jista’ jbiddel il ferħ man-niket

il-ħolm minn dak li tmiss

dak li tixtieq minn dak li tassew jiġri

id-duħħan minn dak li qiegħda tara

qabel ma dak li jtik xi ftit tal-ferħ

isir vizzju.

Lili għad tifhimni xħin ma nkunx ħdejk.

Alfred Grech

23.03.2019

Kemm Nixirqu Lil Xulxin.

Nistgħu ngħaddu l-lejl flimkien

iżda naf żgur li rrid ngħidlek

li xejn m’ghandi jien x’noffrilek

m’għandix flus: m’għandix imħabba

iżda mbagħad inisbni sewwa

qed nogħlew fuq mewġa waħda

għax int tgħidli li minn dejjem

kont inħobb, u lilek biss.

U xħin jaqa’ s-skiet bejnietna

tħalli l-baħar jibda’ jwieġeb

li qed niġbdu ħabel wieħed

u nixirqu lil xulxin.

Stajna rkibna dagħjsa waħda

mingajr qlugħ u bla ma naqdfu

qed nittawwlu biex nitkixxfu

bla ma nafu fejn sejjrin,

bla staqsejtni jekk hux miegħek

ridt inqatta’ ħajjti kollha,

inħallik bil-mera f’idek

biex turini fejn sejjrin.

Alfred Grech

23.03.2019

Ixoqqok il-Ħsieb.

Ixoqqok il-ħsieb

U tidher trasparenti

Xħin toħroġ mid-desert

Tar- raqda mqallba u mbarazzanti

fid-dawl ta’ xi fanal jurik li l-art fil-qrib.

Lilhinn mix-xefaq mhemm xejn

Hemm biss il-baħħ

Tat-tamiet u tat-turmenti

Tistenna għalxejn.

Lilhinn mix-xefaq hi skuż’ oħra

Biex tegħeleb il-qtiegh il-qalb,

Id-dubbju u ssib l-aljenazzjoni.

Fis-skiet u fid-desolazzjoni

Tixtarr u tirrifletti

Kull pofezija li għamilt għalik innifsek

Iżda li qatt m’emmint

Inkella qatt ma sibt il-ħin

Tagħrbiha sewwa.

Kmieni jw tard issib

Li l-profeziji kollha jseħħu

U l-ġamar fil-fuklar

Hu biss ix-xhiedha tan-nar

Li darba ħeġġeġ.

Alfred Grech

22/03/2019

Bħal Ħaddieħor.

Bħal ħaddieħor aljenat

b’dak li nara li qed jiġri.

Bħal ħaddieħor

qed ninġarr mill kurrent inkonsistenti

attaparsi sibna l-ġdid

kull xħin nikxfu kewkba ġdida

waqt li ntennu litanija

illi stajna konna aħjar.

Bħal ħaddieħor nippassiġġa

ndur u nagħqad f’ċirku tond

mingħalija li qed  niġbed

ma ħaddieħor ħabel twil

sabiex naslu f’tarf is-sies

u minn hemm immorru lura

minn fejn ġejna bħalma

għamlu ta’ qabilna

bħalma nara li qed jagħmel

hekk kullħadd.

Bħal ħaddieħor qed nilgħabha

din il-logħoba t-ossessjoni

u inti taf li qed nilgħabu

u inti bħali qed tilgħabha

u taf bħali ġa minn qabel

x’ser ikun ir-riżultat.

Bħal ħaddieħor qed nilgħabu

u hekk nibqghħu,

dan minkejja r-riżultat.

Alfred Grech

21/03/2019