Jien Qatt Ma Ridt Nitilqek.

Jien qatt ma ridt nitilqek,

ridt nibqa hawnhekk

inkaxkar saqajja fir-ramel ta’ deżert

mingħajr konfini.

Iżd’int imbagħad ħażżist it-truf

li jien ma kellix naqbeż.

Jien qatt ma ridt nitilqek,

waqqaft il-ħin u ħloqt l-ispazju

u b’hekk stajt nislet

l-imnaddaf mill-imniġġes

u xtaqt li kull tifkira tibqa’ għal dejjem.

Bħax-xeneġġjat il-ġrajja tagħna

f’sensiela ta’ puntati

u t-tmiem ma jasal qatt.

Xħin tlaqt imbagħad intbaħt

li qed nistrieħ u qed nistrieħ għal dejjem.

Alfred Grech

27/03/2019