Din Mhix Il-Poeżija Tiegħi.

Din mhix il-poeżija tiegħi.

Din mhix il-ħmara li titla’ t-telgħa

 tal-kalvarju bit-tagħbija

biex aħna nimbuttaw minn wara

trazzjoni fuq quddiem.

Dan mhux tinwieħ ir-riħ

ta’lejla settembrina

ma tafx hux tiela’ l-ajru

inkella’ qiegħed thewden.

Din mhijiex tmellisa

ta’ qattusa titgeddes

u titlob ftit tal fsied

jew tfajla ċkejkna liebsa żoff

fuq xagharha

titlob l-attenzjoni.

Din l-għanja sielma li trid toħroġ

u ma tafx issib it-triq minn ġol-fessuri

minn fejn titlaq u tiskappa

 u toħroġ għad-dawl tax-xemx.

Alfred Grech

25/09/2019.