Fittixna Żelu Ġdid.

Fittixna żelu ġdid ma sbieħ il-jum

Bit-tama li din ma tkunx xi ġrajja oħra

U tlajna fuq is-siġar mal-għasafar

U hemm ħallejna bejta ta’ frieħ iltiema.

Ma ħsibniex f’dawk il-logħobiet

Li konna lagħbna,

U lanqas x’kien hemm f’tarf ix-xeneġġjat

Fittixna jum ġdid biex f’ħoġru nqiegħdu

Xtur il-ġejjieni.

Il-bogħod minn kullimkien

Il-bogħod min fejn kien jgħix ħaddieħor

U xħin iċ-ċikli saru wkoll staġuni

Intbaħna li kien kollox attaparsi.

U f’daqqa waqgħet dalma tal-abbissi

U f’daqqa sibna ruħna ġo kannestru

Bla kwistjoni,

U f’daqqa sibna ruħna li qiegħdin ngħixu

F’kontradizzjoni.

Alfred Grech

20/09/2019.