Partiti.

Seħtu lil xulxin min fuq il-mambar

għax dinbu  u qalu l-ereżiji

u daru dawra mejt

mal-ewwel kantuniera

u qam irvell bejniethom

għax ma setgħux jiftiehmu.

Imbagħad intebħu

li biex tiskonġra trid tkun pur

u m’hawn ħadd pur fid-dinja

u tilfu s-sens u l-mira.

M’għamlux bħall-oħrajn

tax-xaqliba l-oħra li għamlu

mid-dnubiet teżor il-maħfra

mit-trasgressjoni u d-devjazzjoni

kult ġdid għal din l-art ħelwa

għal din is-soċjeta

bla ruħ u ta’ bla kedda.

Alfred Grech

01.09.2019.